Tháinig ár gcuairteoir deireanach chugainn inniu. Gach Aibreán, eagraíonn an coiste gaelbhrataí ‘Aíonna Aibreáin.’ Bainimid an-taitneamh as na daoine éagsúla le Gaeilge a thagann chun na scoile i rith na míosa. Tháinig an t-iarscoláire Isaac Bryant chugainn inniu. Labhair sé le rang a 1 agus a 2. Ansin, bhuail sé […]
Monthly Archives: April 2016
13 posts
Thaistil an coiste gaelbhrataí go Coláiste Phádraig i mBaile Átha Cliath inniu chun an chéad ghaelbhratach don scoil a fháil. Ní raibh ach sé bhunscoil (agus go leor meánscoileanna) sa tír páirteach sa scéim agus mar sin, tá an coiste an-bhródúil as. Bhí an-lá againn ann ag rince agus ag […]
Tháinig an fhoireann lúthchleasaíochta le chéile inniu chun an grianghraf seo a ghlacadh leis na trófaithe a bhain siad sa gComórtas Manning an tseachtain seo caite – maith sibh arís!
Tá an coiste gaelbhrataí ag taisteal go Baile Átha Cliath amárach chun gaelbhratach bhreá chorcra a fháil don scoil. Tá go leor oibre déanta ag an gcoiste. Tá Aíonna Aibreáin fós ar siúl sa scoil agus muid ag súil go mór leis an gcéad chuairt eile. Gaeilge abú!
Tháinig Séamus Ó Coileáin ó Acadamh na hOllscolaíochta Gaeilge in Ollscoil na hÉireann Gaillimh ar cuairt chuig rang a trí inniu. Thug Séamus cóipeanna don rang de na fabhalscéalta a d’aistrigh mic léinn faoina chúram. Chuir daltaí an ranga go leor ceisteanna ar Shéamus agus bhí Séamus breá sásta gach […]
Tháinig an banna ceoil ‘The Clockworks’ chugainn ar an Aoine seo caite. Bhailigh na daltaí ar fad taobh amuigh chun éisteacht leo. Is iar-scoláirí iad. Bhí an scoil ar fad faoina ndraíocht:
Tháinig an dearthóir graificí Sinéad Ní Chadhain ar cuairt chuig rang a 4, rang a 5 agus rang a 6. D’oibrigh Sinéad le TG4 agus anois tá a comhlacht féin aici. Chuir na daltaí go leor ceisteanna éagsúla uirthi agus bhreathnaigh siad ar a cuid saothar:
Tháinig aoí speisialta ar cuairt chuig naíonáin bheaga. Chuir duine de na páistí an t-ainm Lutherina uirthi. Ar ndóigh, ní raibh an t-uan in ann labhairt i nGaeilge ach rinneamar go leor cainte fúithi ina dhiaidh! Táimid an-bhuíoch go raibh an t-am aici teacht isteach chugainn:
D’eagraigh an coiste gaelbhrataí Aíonna Aibreáin arís i mbliana. Tagann aíonna chun na scoile i mí Aibreáin chun labhairt faoina spéiseanna, a bpoist nó a gcaitheamh aimsire. Léiríonn siad nach ábhar scoile amháin í an Ghaeilge agus gur teanga beo beathach í, ar ndóigh. Chuir an scéalaí Phil Ó Cuimin […]
Gach bliain glacann páistí ó na naíonáin go rang a 6 páirt i gcomórtas luthchleasaíochta Manning. I mbliana, d’éirigh thar cionn le Gaelscoil Riabhach. Tháinig foireann na gcailíní sa dara áit agus foireann na mbuachaillí sa tríú áit!! Comhghairdeas libh go léir!