Dráma do Sheachtain na Gaeilge

Chuaigh Rang 5 agus 6 go dtí Baile Átha an Rí ar an Déardaoin chun páirt a ghlacadh i seó mar chuid d’imeachtaí Sheachtain na Gaeilge. Bhí gaelscoileanna eile in oirthear na Gaillimhe páirteach freisin, chomh maith le scoláirí Choláiste an Eachréidh (iarscoláirí d’ár gcuid san áireamh!) Léirigh muid dráma a chum muid atá bunaithe ar an nGorta Mór – ‘sé an teideal atá air ná “An Dialann”. Beidh sé á dhéanamh againn arís ar Déardaoin 21 Márta mar chuid d’Fhéile Raiftéirí, agus don tríú uair ag oscailt gáirdín chuimhneacháin don Ghorta Mór ag Otharlann Naomh Breandáin tar éis na Cásca. Rinne na haisteoirí go hiontach agus bhí an lucht féachana an-tógtha leo. Seo cúpla radharc ón ndráma.