Bhí mí den scoth againn inár sochaí bheag i mí na Samhna. D’fhoghlaimear faoi phatrún sa mhata. D’éirigh linn patrúin a chruthú lenár mbéireanna beaga agus fiú lenár gcoirp féin:
Thosaíomar ag foghlaim faoi suimiú sa mhata freisin agus ar ndóigh, chabhraigh ár mbeireanna linn ansin arís:
D’oibríomar as lámh a chéile chun meáchan neart rudaí éagsúla a fhiosrú. Táimid ag feabhsú gach lá lenár gcuid comhoibrithe:
STOP! IMIGH LEAT! ABAIR!
Bhí seachtain frith-bhulaíochta againn i Mí na Samhna. Chaitheamar go leor ama sna ceachtanna ‘Oideachas Sóisialta Pearsanta agus Sláintiúil’ (OSPS) ag déanamh ról-imirtí linn féin agus le puipéadaí. Tuigimid anois gur féidir linn ‘stop, imigh leat’ a rá nuair nach bhfuilimid compórdach:
D’fhoghlaimear faoin tábhacht a bhaineann le bheith ag roinnt lena chéile agus conas imirt le liathróid ar bhealach taitneamhach:
‘Níl aon tinteán mar do thinteán féin’
D’fhoghlaimear faoi na seomraí ar fad sa teach sa Ghaeilge agus tá dán ar eolas de ghlan mheabhair againn faoin teach anois. Bhí cúpla duine breá sásta an dán agus na geáitsí a dhéanamh don rang:
Mar gheall gur fhoglaimear faoi thithe sa Ghaeilge, chruthaíomar ár dtithe cré féin agus phéinteáileamar iad sna ceachtanna ealaíona:
Tá seachtain amháin caite againn i mí na Nollag agus tá tús álainn déanta againn. Chruthaíomar crainn Nollag le fabraic agus snáithín agus táimid chun na cúlraí a phéinteáil an tseachtain seo:
Mhaisíomar comharthaí le fabraic do na fuinneoga sa seomra ranga chun Nollaig Shona a rá do gach duine:
Beidh go leor ar siúl againn sa choicís amach romhainn roimh saoire na Nollag. Fan go bhfeicfidh sibh! Slán go fóillín.
